Brummschädel

I lieg do, hob Schädelweh und waß net wos i mochen sull.
Wia des aungfaungen hot?
Na, jo, i hob mi verkühlt und wia sich zum Huastn noch die Blosenentzündung dazuagschlogen hot, woar des Malör perfekt.

Bei jedem Huasta is a Lackerl mitgaungen, gschaumt hob i mi sovül, es woar net zum ausholten. Antibiopulverln, Fiabasenka und Schleimlöser hot ma da Doktor glei aufgschrieben.
Vor dem Essen is die Schwester kumman und wullt ma noch a Mogenschutzpräperat geben.
Warum, hob i gfrogt, „is des Essen leicht so schlecht“?

Na na, des is nur wegen die vielen Tubletten, dass net den Mogen aungreifen.
Der Tublettencocktail hot mir erst zagt, wie Beschwerdefrei i bisher woar. Blutdrucktubletten, wos für die Stimmung und gegen den Druck in die Augen hob i a glei dazuakriegt. Dass die Stimmungstubletten des Aug und die Antibiopulverl den Mogen aungreifen, hot ma jo schon gwusst, aber das die Blutdrucktubletten gemeinsam mit dem Fiabasenka a gaunz a neiche Form von Schädelweh produzieren follt jo fost schon unter „Kreativität der Geschluckten „

I glaub in Zukunft wer i´s wieder so mochen wie bisher auch.
Huflattichtee gegen den Huastn, an Spitzwegerich dazua und a Ruah is.

Die Tubletten kaunn der Doktor ruhig verschreiben ,er wüll ja a leben, holen lass ich sie auch von der Apotheke, die wullen ja auch leben
aber
nehmen tu ich sie nicht, ich will ja auch leben.

Eure
Ermi-Oma