Tubletten Wahl

Oma, bitte geh doch endlich amol zum Doktor und loss da Bluat ozapf´n, damit wir wissen, wos mit dir eigentlich los is, warum du dein Stützstrumpf nicht mehr allein anziehen kannst. Dann spar ma uns des Diskutieren, des Umanaundaführen und das die aundern Leit dei Pflegegöd kassieren.

Da Hausarzt hot mir an holben Liter Bluat obzapft und daunn hot er gsogt, i hätte Blutarmut. Jo, hiatzt schon, hob i gsogt, aber das hat er überhört.
Er kann vom Bluatbüld her net sehen, warum i den Strumpf net allanig aunziagn kaunn; hot er gsogt, des anzige wos er siacht, is Olterszucker.
Ermi-Oma des darfst net auf die leichte Schulter nehmen, sonst host noch zehn Joahr Spätschäden, die sich gwoschen hoben. Hob i gsogt:“Guat Herr Doktor, wennst ma vasprichst, dass i noch zehn Joahr leb, nimm i die Spätschäden in kauf, weil wenn i des Siaße wegloss, überleb i net amol die Weihnochten.

Daunn hot er mi zum Internisten gschickt. Amol Internist, fünf Tubletten mehr, drei davon woaren rot. Die hob i net gnommen, ma waß jo nie, wie sich die Roten auf die Dauer auswirken. Na na, i hob des net politisch gemeint….. wobei, es is ka schlechter Gedaunken. I waß gar net, gibt’s überhaupt Tublettn gegen die Schwarzen? Also gibt’s überhaupt schwarze Tubletten?

Ah ja, die Tierkohle! Is eh typisch, die Schwoarzen, die mochen sogoar von die toten Viecher noch Kohle. Jo jo, geht’s der Wirtschoft gut, geht’s uns olle guat.

Bei die Grünen waß i net, do san net so vüle, dei gibt’s nur in Tropfenform. Na loss ma des, wir können über alles reden, aber Politisieren und ordinär reden tua ma net. Aber, hiatzt miass mas durchziagn, sonst sogn die Blauen wieder…..“mit uns red kana“. Also gibt’s blaue Tublettn?
Genau, die Viagra! Is eh wie in der Politik, kurze Zeit steht alles steif und wenn die Wirkung nochlosst, is der gaunze Zauber vorbei, daunn host des Beschissene einwendig. Na, i kaunn de net wöhlen, stöll da vor, die wollen des Kopftiachl verbieten, do kaunn i goa net mehr außer Haus gehen.
Also aufpassen!

Eure
Ermi-Oma