Zechennägelschneiden

Meine Leut hoben immer gsogt, Oma sei doch gscheit und geh ins Heim. Wir miassn olle orbeiten, damit ma deine Rentn zohln können.

Du bist in ganzen  Tog allan daham und wenn da wos gschicht, is ka Mensch do, der dir helfen kann.

Im Heim do schaun´s guat auf di, do kaunst Kortn spielen und die Zechennägel schneidens dir auch.

Des Essen is a sehr guat und vor ollem sehr, sehr gsund, weil de hom a Diätassistentin, a ganz a guate.

Na, i bleib daham, hob i gsogt. Des Haus hob i mit meinem Verblichenen baut und wenns mi

vakehrt aussitrogen, dann könnts tuan wos wullts. Aber bis zum Tod bleib i daham.

Drei Wochen später hobns mi überred.

Jetzt sitz i do. Kortn spüln mit lauta Vergessliche is a Hetz! I pfeiff drauf. Des Essen schmeckt so gsund, dass i a drauf pfeiff. Wennst da die Diättanten aunschaust, wast warum das Diättanten wurdn san.

Die Ane is blad und die andere kaunn ihre Füsslein in an Bierflaschl woschen. Und hiatzt soll i an so an Gatsch essen. I waß net wos des soll.  I bin jo net in a Umerziehungsloger  gangen.

Kommen tut den ganzen Tog ka Mensch und wie da Sohn nochgfrogt hot warum i in ganzen Tog allan im Zimmer sitz hobn´s gsogt: „Jo lieber Herr, Sie zahlen für Ihre Mutter die Hotelkomponente und die Pflegekomponente. Für die Unterhaltung sind wir nicht zuständig.“

Na bravo! Jeden Ausflug und jeds Zechennäglschneidn verrechnens ma extra.

Wie i gsogt hob, dass i wieder zruck in mei Haus wüll, hobns gsogt, des geht net, weil sie hoben MEINE Wohnung vermieten müssen, damit sie mir des extra Zechnnäglschneiden  zohln können. Und weil´s a Hauptmietvertrog is, kann ma jetzt gar nix mochen.

Ach hätt ich mir bloß nie die Zechennägel schneiden lossen, dann könnt i wieder in meinem Haus wohnen.

Also liebe Freunde, passt´s gut auf wenn Euch jemand die Zechennägel schneiden will!!

Liebe Grüße

Eure

Ermi-Oma